Фев 232022
 

З 14 па 21 лютага ў ДУА “Сярэдняя школа №1 г. Сянно імя З.І. Азгура” праходзіў Тыдзень беларускай мовы і літаратуры.

Усе мерапрыемствы былі падпарадкаваны загадзя прадуманаму плану і накіраваны на ўзбагачэнне ведаў у галіне беларускай мовы і літаратуры, папулярызацыі роднай мовы, развіццю пачуцця прыгожага.

14 лютага адбылося адкрыццё Тыдня. Эстэтычна аформленая інфармацыйная прастора школы, а таксама медэаперапынкі пад дэвізам “Гімн роднай мове” спрыялі ўрачыстаму настрою кожнага.

Кожны дзень Тыдня быў насычаны мерапрыемствамі, якія падкрэслівалі прыгажосць і самабытнасць роднай мовы.

Прагляд мультфільмаў і відэаролікаў на роднай мове, выстава “Беларускія кнігі – юбіляры 2022 ”, квілт-акцыя “Маё любімае беларускае слова”, літаратурныя паэтычныя хвілінкі “Гучы, маё роднае слова!”, выстава радаводаў “Разам мы – сям’я”, літаратурная гасцёўня “Мовай кветак мы гаворым…”, удзел у рэспубліканскай гульні-конкурсе “Буслік”, экскурсіі ў школьны музей, літаратурнае кафэ “У імперыі паэзіі” садзейнічалі далучэнню кожнага да багатай культурнай спадчыны беларускага народу.

Заключным акордам Тыдня стала святкаванне Дня роднай мовы. Традыцыйна ў гэты дзень вучні напісалі агульнашкольную дыктоўку па вершы Я.Янішчыц “Мова”, таксама асобныя вучні прынялі ўдзел у абласной дыстанцыйнай алімпіядзе па беларускай мове і літаратуры. У гэты дзень адбылося віншаванне удзельнікаў і ўзнагароджанне прызёраў рэспубліканскага конкурсу “Буслік-2021”.

Пазітыўныя эмоцыі Тыдня роднай мовы будуць яшчэ доўга трываць у

 асяроддзі ўдзельнікаў адукацыйнага працэсу ўстановы адукацыі і стрыяць добраму настрою і імкненню да ўзбагачэння ведамі з крыніцы бясцэннай спадчыны РОДНАЙ МОВЫ.